[限時活動] 吉卜力的動畫世界香港站

當知道會來香港舉行展覽，已一直萬分期待著！
日前，終於去咗「吉卜力的動畫世界香港站」！
仲帶埋小b一齊去，回味我同小b爸嘅成長回憶。

其中我最喜愛就係「龍貓」這套動畫，每次睇都感動落淚。
而當年小b婆婆買咗一個龍貓毛毛背囊俾我，真係好開心，唔捨得用。
除咗「龍貓」外，「 魔女宅急便 」、「 再見螢火蟲」都係陪伴著我成長，尤其「 再見螢火蟲」，睇一次喊幾次，超催淚！

展覽位於九龍灣，鄰近MegaBox，共兩層展區。

展覽以逼真立體場景，將高畑勳導演與宮崎駿導演作品的精髓，一幕又一幕陪著我成長嘅經典動畫場景呈現眼前。

展覽分為8大主題展區，而每個場景均由吉卜力工作室原班人物傾力打造，一絲不苟，令人彿如置身電影中。
現在就等我哋帶大家來重溫童年回憶啦！

一入場隨即進入《百變狸貓》世界，一對狸貓主角在等候著大家。

跟住就嚟到《魔女宅急便》主題區:

▲▼棋棋在麵包店的場景

▼棋棋騎著飛天掃把空中飛

▼展覽中最深刻就是這句棋棋的對白！

《哈爾移動城堡》主題區:

▲▼展出移動中的城堡，仲有蘇菲婆婆、哈爾、卡西火等角色。

之後落到去一樓，就係《飛天紅豬俠》主題區:

《幽靈公主》主題區:

▲▼除了小桑與狼群外，還有男主角阿席達卡

《千與千尋》主題區:

▲▼油屋紅橋

▼油屋內的湯婆婆，場景非常細緻

▼必影場景
與無臉男坐在同一卡車箱

《天空之城》主題區:

▼《天空之城》經典震撼場景，飛船大戰。

▼另一經典場景

「~🎼~Totoro~Totoro~🎼~」來到我最愛的豆豆龍 - 《龍貓》主題區:

走進神秘叢林，從樹洞中偷看龍貓睡覺！
毛茸茸的大肚Dum上下郁吓郁吓，超可愛喔！

▼一大經典場景，當然不能錯過！拍下與龍貓、草子、次子雨中等巴士！

除了大型裝置外，每個區域還設有立體的「盒子藝術」(Box Art) 展品 ，展示電影中精巧的場景構思。

展館內設有主題限定店，有數百款吉卜力工作室動畫電影嘅精品發售，當中包括展覽香港站期間限定紀念品，粉絲們絕不能錯過！

▲會場限定

▼限定店旁還有填色遊戲。

《吉卜力的動畫世界》香港站
展覽日期： 2019年8月3日至11月3日
時間： 11am-10pm
地點： Portal 6311, 九龍灣常悅道18號
網頁： https://www.ghiblihk.com/

購票傳送門：
Cityline: bit.ly/GHKCityline
Trip.com: bit.ly/GHKTrip
KLOOK: http://bit.ly/GHKKlook
預約時間: http://bit.ly/GHKBooking

溫馨小提示:-
1) 買咗飛記得預約入場時間。
2) 入場時 Like+Share 相關嘅專頁，就可以獲得龍貓皇冠或龍貓扇；而即場Share埋靚相上你FB+Tag (hashtag @ghiblihk) ，更可獲限量版印水紙乙張，送完即止。
3) 場內不准飲食。
4) BB車需泊放指定位置，不可攜帶入場。如果有需要，建議用孭帶。
5) 為配合場景，場內燈光有所調節，大家影相時可就位或打燈，但切記不可用閃光燈。
6) 為確保安全及場景整潔，大部份場景均設置圍欄。

[遊日小資訊] 超實用！我的遊日小幫手tripla.ai 網站

好多朋友都好喜歡到日本旅遊，而我當然都唔例外啦！
日本自然風光優美，景點多，人有禮貌，最重要係有好多好多美食！
而我就最愛日本美食！但係日本好多火紅嘅餐廳，都需要預約。如果無預約，真係唔知要排幾耐隊喔！更何況，我帶著小朋友同有個麻煩又無耐性等位嘅老公，所以事先訂枱是必須的。
不過，難題嚟喇！唔識日文嘅我，點去預約呢？ 

最近朋友就介紹咗一個非常實用嘅遊日小幫手tripla.ai 網站，免費預約全日本嘅餐廳。

介面操作簡單，重點係可以以"中文"溝通，打破語言不通嘅障礙，輕輕鬆鬆預訂心水餐廳！

首先，進入tripla.ai網站
Link: https://www.tripla.ai/?triplabot_open=true&utm_source=blogger&utm_medium=display_hk&utm_campaign=hitomi 

網站有5種語言選擇 (英文、日文、中文繁體、中文簡體、韓文)
選好所需語言後，就可以按下版面中間位置的「按此進入聊天視窗」或右下角的「請在此進行預約Click here！」，進行預約。

1. 請提供您要預約的餐廳名及分店名。
(輸入例：目利きの銀次　新都心本舗 , 如無分店名則不用輸)

2. 然後，AI系統會請您提供餐廳的電話號碼或者網頁，以便資料準確。
(若無法提供, 請輸入【x】。)

3. 選擇日子、時間

4. 提供人數
如果有小孩同行，AI會詢問可以提供兒童的年齡嗎？

5. 輸入您的電子郵箱及英文預約名。

6. AI還很貼心，詢問您還有甚麼其他需求或有對食物過敏嗎？
(例:指定座位／禁菸席／包廂／驚喜服務／兒童椅／素食．．．等)
※有可能無法按照您的需求完成預約，請見諒。 如無其他需求，請回答【無】

7. 填妥好預約資料後，還需要等系統寄送確認信到電子郵箱。
收到【預約已確認】的電郵後，再點擊電郵內的連結，確認及完成您的訂枱申請。

Yeah！成功預約^^
整個預約過程好順利，用咗約半天時間就完成 (當然都要視乎餐廳回覆速度)！非常易用及方便！

留意: 並不是所有餐廳都能順利預約成功！
如果未能成功預約，會收到AI及電郵通知。

而在用餐日期快到時，會收到系統發出的電郵提示，相當貼心！

如果大家行程有變無法出席，亦可透過網站或經電郵上的指示去取消預約！

有咗遊日小幫手tripla.ai，以後去日本旅行，就可以輕鬆預約自己心水嘅日本餐廳！

[止咳補肺] 虎乳靈芝鱷魚肉湯

早前小b爸條氣唔順，睇咗幾次醫生，又要食氣管藥又要食抗生素，食到個人陀陀擰。
近排就好番好多，感謝好多朋友同讀者嘅關心，仲提供咗一些食療及湯水建議。

呢兩日都煲咗虎乳靈芝鱷魚肉湯俾小b爸潤肺補氣，調理番。

鱷魚肉: 補肺益腎，特別適合患哮喘，氣弱及咳嗽人仕
虎乳靈芝: 止咳平喘、補益肺氣、增强肺的功能，有效針對氣管敏感、哮喘及小朋友抵抗力差問題。
百合: 止咳，潤肺，安神
無花果: 滋潤，健脾
椰片: 潤肺養顏

材料:
1. 生曬鱷魚肉 3片
2. 虎乳靈芝 25g
3. 百合 適量
4. 無花果 4粒
5. 椰片 適量
6. 南北杏 適量
7. 肉 $40
8. 水 3L
9. 薑 3片

做法:
1) 生曬鱷魚肉用薑片汆水2-3分鐘，備用。
2) 肉汆水，備用。
3) 其餘材料浸洗乾淨。
4) 無花果剪開一半。
5) 煲內注入水，加入所有材料大火滾15分鐘，轉細火煲1小時45分鐘，下少許鹽調味，完成。

notes:
1) 材料有藥材成份，要了解自己個人體質是否適合飲用。

[親子烘焙] 蜜糖曲奇

因為天氣關係，原定嘅活動取消咗
我哋就留喺屋企，整下曲奇餅

一路整，小b一路嗌好香
焗好放涼後，密密食
佢一口氣食咗10塊

材料:
1. 蜜糖 45g
2. 低筋麵粉 90g
3. 牛油 30g
4. 牛奶 適量 (視乎麵糰會否太乾身)

做法:
1) 預熱焗爐170度。
2) 牛油室溫放軟後，將低筋麵粉篩入，並加入蜜糖混合。

3) 再加入牛奶混合成麵糰。

4) 麵糰用麵粉棍碌壓平成約4mm厚，然後用曲奇模印出曲奇。

5) 將印好的曲奇放在鋪了牛油紙的焗盤上。
6) 放入焗爐，170度焗18分鐘，取出，把曲奇餅轉至鐵架上放涼。

notes:-
1) 一歲以上及對食材沒敏感的寶寶食用。
2) 每個焗爐爐溫有差別，請自行調節溫度及時間。

[家常湯水] 木瓜花生眉豆雞腳湯

夏天瓜果當造，去到街市菜檔，見一個個木瓜都好靚，買個返屋企來煲花生眉豆，健脾祛濕，加埋雞腳，令湯更富營養，豐富嘅膠原蛋白能助提升免疫力！
清潤又養顏嘅家常湯水，飲起來，味道又甜又美味，嘴巴還感覺到一點點黏黏的，啖啖膠原蛋白。仲好適合母乳媽媽飲用，有催乳功效。

青木瓜 - 健脾和胃
眉豆 - 健脾袪濕、仲有助下肢循環及腫痛
花生 - 醒脾胃，壯筋骨
雞腳 - 含豐富膠原蛋白

材料:
1. 青木瓜 1個
2. 眉豆 2両
3. 花生 2両
4. 雞腳 6對
5. 椰棗 4-5粒
6. 果皮 1瓣
7. 水 3L

做法：
1. 雞腳剪出腳甲洗淨，汆水備用。
2. 果皮以清水浸軟刮囊。
3. 木瓜去皮去籽，洗淨，切件，備用。

4. 將其他材料用清水浸洗。
5. 煲內注入水，加入所有材料，大火滾15分鐘，轉小火煲約1.5小時，下少許鹽調味，完成。