【親子玩樂】任玩機動遊戲 × 懷舊茶座 @ 九五茶座 放宮樂園

小b學校假期，湊巧小b爸都放假，小b爸就提議3口子出去玩。

今次就帶咗小b去到位於Mega Box 9樓嘅「九五茶座－放宮樂園」輕鬆玩下，嘆番個下午茶。

入到去就見到佢哋做緊一個「電子動感遊樂祭」，一個價錢有得食又有得玩，我同小b爸都覺得幾抵喎！

又食又玩家庭門票包括:
九五茶座 精選套餐  +  遊戲卡一張（可以一小時任玩區內所有遊戲） + 50個遊戲幣。

放宮樂園內充滿老香港特色場景，霓虹招牌、街頭小食檔同士多。打完卡之後，小b已經按奈不住要去玩囉！

呢度有多款電子及機動遊戲、賽車、掟波波、扑青蛙、旋轉木馬等等！大部分遊戲都適合大人細路一齊玩！

▼小b跟小b爸賽車對戰中

▼再一齊掟波波

▼經典電子街機PONG，呢度都有得玩！

▲▼考節拍嘅遊戲

一小時係區內任玩，小b玩咗好多遊戲，有啲遊戲仲encore玩咗好幾次，超開心！

▲▼消防車同射馬騮牙齒遊戲，小b最少玩咗3次！

haha ....

▼小b玩得最多次嘅遊戲就係佢喇>>扑青蛙！

起碼玩咗6次，哈哈哈........

玩完機動遊戲，我哋仲去夾公仔同掟彩虹！

▼我哋掟中獎呀！Yeah~~~

玩完放完電，係時候醫下個肚仔，嘆個下午茶。
九五茶座以香港回憶作主題，以懷舊冰室設計，提供經典茶餐廳美食！

我哋買咗嘅又食又玩家庭門票係包埋九五茶座入面嘅精選套餐，套餐有指定食品，包括有：至尊焗肉醬意粉／焗豬扒飯、公司三文治及 飛機小食拼盤 （有雞翼、薯條、春卷、吞拿魚三文治），同3杯飲品！

▼焗豬扒飯新鮮熱辣，味道唔太濃，好啱小朋友一齊食。

▼又豐富又吸睛嘅飛機小食併盤

▼睇下佢食得多滋味^^

臨走我哋仲買咗唔少懷舊零食，好多都係我細個經常買嘅零食！

▼呢兩款口味係最好食！

▼呢款香口珠係我兒時好喜歡食，橙味、士多啤梨味、提子味、同樣都咁好食。

▼呢款提子糖都係我兒時喜歡食！

雖然個包裝紙就唔同咗，不過味道無變^^。

▼仲有懷舊玩具

還有還有，以前讀書時期必抽嘅Yes咭呀！好懷念喔！

另外，仲有日本動畫人物精美Tee，以優惠價發售。

九五茶座 放宮樂園
地址：九龍灣 MegaBox 9樓-23
九五茶座營業時間：星期一至五：08:00 - 18:00
星期六、日及公眾假期：08:00 - 19:00
放宮樂園營業時間：星期日至四：11AM-9PM 星期五、六及公眾假期前夕:11AM-10PM
電話：2458 6005
FB:
https://www.facebook.com/95cafeOffworkKingdom/
會員優惠:

#親子玩樂好去處 #九龍灣#95cafeOffworkKingdom #九五茶座 #放宮樂園

[補鈣明目] 粟米紅蘿蔔日月魚湯

又煲日月魚湯喇^^！因為我實在太喜歡飲！
其實日月魚營養成份高，性質溫和，補腦補鈣明目。而孕婦飲用，可增強嬰兒腦力。
適合一家大細飲，所以煲多幾次都好嘅！

日月魚: 營養成份高，清肝明目，對於經常對住電腦、手機嘅人好有益，補眼喔！

材料:
1. 日月魚 2扎
2. 粟米 1枝
3. 紅蘿蔔 1個
4. 椰棗 6粒
5. 蓮子 1把
6. 杞子 適量
7. 生曬淮山 10塊
8. 肉 約$50
9. 果皮 1瓣
10. 水 3L

做法:
1) 日月魚，生曬淮山浸洗乾淨備用。
2) 果皮用清水浸軟去囊，備用。
3) 蓮子用水浸一小時，去芯，備用。
4) 紅蘿蔔去皮，洗淨切件。
5) 粟米洗淨切開切段。
6) 肉汆水，備用。
7) 除杞子外，將所有材料放入煲內，大火滾30分鐘，轉小火煲1.5小時，最後半小時加入杞子，加入少許鹽調味，完成。

notes:
1) 材料有藥材成份，要了解自己個人體質是否適合飲用。

[秋冬滋潤] 蟲草花雪耳素湯

轉天氣，媽媽我會煲多咗蟲草花湯，打好個底，增強機能免疫力。

而呢幾日覺得個人有點乾，所以就加埋雪耳去煲，滋潤下。

蟲草花: 性質平和、不寒不燥，提高免疫能力

百合: 清熱安神

雪耳: 養顏、養胃、滋陰潤肺的功效。

蓮子: 安神、補虛

材料:

1. 乾蟲草花 30g 

2. 栗米 1枝

3. 紅蘿蔔 1個

4. 雪耳 1個

5. 腰果 半碗

6. 生曬淮山 8片

7. 乾百合 適量

8. 蓮子 適量

9. 椰棗 5粒 (可改用蜜棗2粒)

10. 水 3L

做法:

1. 蟲草花用清水浸十分鐘， 洗淨備用。

2. 腰果、生曬淮山、乾百合浸洗乾淨備用。

3. 蓮子浸洗乾淨後，去芯備用。

4. 栗米切段，紅蘿蔔去皮切件，洗淨備用。

5. 雪耳浸水發透，去除硬頭，然後撕成小塊。

6. 煲內注入水，將所有材料放入煲內，大火滾30分鐘，然後轉小火煲1.5小時，加少許鹽調味，完成。

notes: 

1) 加了雪耳煲的湯水，要即日食/飲用，不能擺放隔夜，會釋放有害物，會對人體造成嚴重危害。

2) 材料有藥材成份，要了解自己個人體質是否適合飲用。

【 電飯煲料理】電飯煲焗芝士蛋糕

下午趁兩父子去咗上堂，可以靜靜地整蛋糕，等佢哋返嚟一齊享用。
點知整完，見攰恰著咗，最後個蛋糕，由下午茶變成飯後甜品，haha...

材料:
1. 忌廉芝士 250g (切細，室溫放軟)
2. 淡忌廉 200g
3. 糖 50g
4. 雞蛋 2顆
5. 低筋麵粉 50g
6. 檸檬汁 幾滴

準備:
1. 電飯煲 1個

用廚師機做法:
1) 將忌廉芝士與糖放入廚師機以速度4拌勻，再將雞蛋逐隻加入拌勻，然後再檸檬汁拌勻。
**我家用緊美的嘅MKM45多功能食物料理廚師機**

2) 倒入淡忌廉拌勻。
3) 篩入低粉，拌勻至無粉粒。

4) 將糊倒入飯煲膽，登幾登，蓋上飯煲蓋，按煲飯制，跳制後完全待涼，將成個膽倒轉取出蛋糕，完成！

*放入雪櫃雪凍更美味。
*如發現蛋糕未熟透，跳制後要待涼，再按制煲，重覆直至熟透。

手拌做法:
1) 將忌廉芝士與糖拌勻，再加入雞蛋同檸檬汁拌勻。
2) 倒入淡忌廉拌勻。
3) 篩入低粉，輕拌至無粉粒。
4) 將糊倒入飯煲膽，登幾登，蓋上飯煲蓋，按制煲，跳制後完全待涼，將成個膽倒轉取出蛋糕，完成！
放入雪櫃雪凍更美味。
*如發現蛋糕未熟透，跳制後要待涼，再按制煲，重覆直至熟透。


 #Midea多功能食物料理廚師機 #MKM45 #30個月保養 #mideahk