BB瞓覺唔再滿頭大汗 | 涼墊推介 | 🇰🇷韓國lolbaby涼感蒟蒻涼墊

香港嘅夏天出名潮濕又炎熱，天氣焗促兼翳悶。

成年人已經熱到透不過氣，小朋友就更加辛苦！

尤其係佢哋瞓覺嗰陣，好容易熱到滿身是汗！增加攝親嘅機會之餘，仲會焗到生熱痱添！ 

有時真係會熱到瞓唔到而發忟憎，一忟憎就更加易出汗！

好在媽媽我早有準備！用上韓國Lolbaby涼感蒟蒻床墊俾妹妹！

擁有Hi Jell-O獨家涼感分子，瞬間降5度，而波浪工藝設計讓涼感分子不移位！

透起孔洞唔積汗，可以避免背部汗疹！

超細纖維，柔軟舒適。

用咗佢，而家瞓覺唔再滿頭大汗，瞓得舒適又安穩！

我選購嘅係標準尺寸 60×80cm Navy Rabbit款式，蒟蒻床墊本身都比較薄身，但重量都唔少㗎！唔會輕易俾小朋友移動而造成危險！

同一般嘅涼墊相比，韓國Lolbaby涼感蒟蒻床墊一啲膠味同膠感都無。採用安全食用等級，用得安心又安全！

清洗方面好簡單，只需要用花灑沖沖就可以！如果有污積就用洗衣液同牙刷刷就得，好方便！

唔怪得之，媽媽谷啲媽媽都大讚好用同堆介！

▼有時兩兄妹瞓喺床墊上面玩，好開心又溫馨，好有愛啊！

而家為慶祝DollBao香港購物網於6月5日開幕，DollBao準備咗兩大感謝優惠俾大家:-

1. 一律88折❗

2. 全館免運費❗

優惠做到6月22日咋！

想知仲有咩優惠 , 快D去呢度睇啦👇 

https://pse.is/SCRJW

讓小朋友學習勤洗手同時愛上洗手 | Biore 3D花形泡泡洗手液

喺呢個非常時期，最開心就係收到消毒產品！
早前就收到 @BioreHk 送嚟嘅消毒套裝，實用又貼心，非常感謝喔！

自從屋企放咗枝 #Biore3D花形泡泡洗手液  ，小b再唔使媽媽日提夜提住佢，都自動自覺去擔櫈仔洗手！
一按就擠出花形泡泡，好得意架！唔止小朋友，大人都愛上！

除咗 #殺菌 外，內含嘅 #弱酸性親和配方 ，唔會傷害到小朋友幼嫩嘅肌膚，而且仲有淡淡清新嘅柑橘香添！真心好用，可讓小朋友學習勤洗手同時愛上洗手！

另外，套裝入面仲有 #消毒酒精潔手液 ，大支嘅放喺屋企用，便攜裝就放喺手袋，隨時隨地消毒雙手，時刻保持個人衛生！我仲會帶埋 #Biore酒精濕紙巾 出街，一抹消毒殺菌，趕走哂啲病毒細菌！

每日沖涼仲可用埋 #Bioré親膚泡泡沐浴乳，一按就有綿密嘅泡泡小b咁鐘意玩泡泡，當然一用即愛上！

弱酸配方，無添加， 不含5大致敏物質！清潔同時錫住小朋友幼嫩肌膚，玩得開心又放心。

#Biorehk #Bioreu #Biore #3D花形泡泡洗手液 #令小朋友愛上洗手 #SPT日本淨肌鎖水技術 #抗疫用品 #抗疫 #Alcoholicsanitizer #sanitizer #stayhealthy
#日本製

【小b媽媽廚樂】清湯蘿蔔牛腩 配 自製手工麵

一直好想整清湯蘿蔔牛腩俾小b爸嘗嘗！
而家留喺屋企多咗，多咗時間，想整就整吧！
炆清湯腩其實唔係好難，只係炆嘅時間較長！
而炆嗰過程，就足夠我整埋手工麵添^^
我都係第一次整，都幾成功！
小b爸同小b一路食一路話"正" ！

《清湯蘿蔔牛腩》

材料:
1. 牛腩 約900g
2. 白蘿蔔 1個
3. 雞湯 250ml
4. 水 約1100ml
5. 八角 3粒
6. 花椒 1.5茶匙
7. 香葉 3片
8. 薑片 8-10片
9. 冰糖 15g
10. 鹽 適量
11. 蔥 1棵

做法:
1. 牛腩用滾水、3-4片薑、蔥飛水，瀝乾。
2. 白蘿蔔去皮滾刀切件。
3. 除白蘿蔔及鹽外，將其餘材料放入鍋內，加蓋大火煲滾10分鐘，轉細火炆45分鐘，熄火焗30分鐘，然後加入白蘿蔔，加蓋大火滾起後，轉細火炆40分鐘，熄火焗30分鐘，加少許鹽調味，即成。


《手工麵 (2大1小份量)》

材料:
1. 中粉 300g
2. 鹽 4g
3. 水 約130-150ml

做法:
1) 所有材料攪勻，搓成麵糰，蓋上濕布靜置40分鐘。
2) 於工作枱撒上適量麵粉，用麵棍將麵糰碌壓成薄片。撒上麵粉，左右對摺，每摺撒上麵粉以免麵條黏埋，然後用刀切成麵條，粗幼按自己喜好。

3) 水滾後，加入麵條煮2-3分鐘，便可。

[小b媽媽廚樂] 軟熟煉奶小餐包

好耐無整麵包喇！
而家留喺屋企多咗，時間多咗，
手痕痕，夜媽媽都忍唔住要整。
明天早餐有軟熟煉奶小餐包食。
出爐好香好軟熟， 忍唔住啪咗兩個，小b爸都食咗個！

材料:
1. 高筋麵粉 250g
2. 酵母 3g
3. 煉奶 20g
4. 鹽 3g
5. 糖 30g
6. 奶 180ml
7. 無鹽牛油 30g

做法:
1) 將所有材料倒入麵包機內攪拌及發酵 (約50分鐘)。
或手搓:
所有麵檲材料，除了牛油外，搓揉成麵糰光滑。(牛奶要續少放，因水份多小因天氣而定) ，然後，加入牛油搓至麵糰可拉開薄膜狀態。放在盆中，用保鮮紙蓋好 (第一次發酵，約50分鐘)。
2) 麵團發至兩倍大，可以用手指沾粉搓洞，洞口不回彈即可。因為牛奶含量高，所以組織非常濕潤 (但不黏手)。

3) 用手按壓麵糰排氣，將麵糰平均分成9份， 搓揉成光滑的圓形，放入鋪了烘焙紙的模具內，進行第二次發酵 (約50分鐘) 表面再鋪塊布。
**我直接放入小P蒸焗爐，Ferment mode 發酵 50分鐘**
4) 預熱焗爐180度。
5) 麵糰表面輕輕用篩灑上少許麵粉。
6) 放入焗爐，170度焗20-25分鐘，完成後立即取出。

notes:
1) 每個焗爐爐溫有差別，請自行調節溫度及時間。

[小b媽媽廚樂 × 親子共食] 蘋果金寶 18m+

蘋果係我哋屋企長備嘅水果，
作飯後果或用嚟煲湯、炆餸，
閒時仲會用嚟整甜品！
多數媽我都會整呢款 《#蘋果金寶 》
(用氣炸鍋或焗爐都得)
每次整，陣肉桂味都充斥整個廚房！
真係好想快快焗完，快快開動！

如果你唔鐘意肉桂，又或者太小的baby，可以省去肉桂粉，唔落。

材料:
1. 蘋果 1個
2. 牛油 10g
3. 糖 8g
4. 肉桂粉 1小匙 (可省略)

金寶材料:
1. 冰牛油 25g
2. 低筋麵粉 25g
3. 砂糖 1茶匙

做法:
1) 預熱氣炸鍋180度7分鐘 / 焗爐200度。
2) 蘋果去皮切粒。

3) 小鍋內加入牛油及糖，細火煮溶後，加入蘋果及肉桂粉拌勻，煮至蘋果稍為軟身，熄火待涼。
4) 將冰牛油切粒，混合低粉及糖，用手搓至麵包糠狀。
5) 蘋果粒放在焗盤上，灑上金寶粒，放入氣炸鍋180度25分鐘。
或焗爐焗至金黃色即可，約15-20分鐘。

notes:
1) 每個氣炸鍋/焗爐爐溫有差別，請自行調節溫度及時間。

[小b媽媽廚樂] 芝士上湯大蝦伊麵

<抗疫之日常>
喺疫情底下，留喺屋企多咗，煮多咗！
之前一直想煮嘅，而家都可以續一試下煮。
而呢道 #芝士上湯大蝦伊麵 係其中之一！

食完仲有糖水 #西瓜椰汁西米露 食添！

材料:
1. 大蝦 9隻
2. 伊麵 2餅 (大)
3. 雞湯 約300-350ml
4. 乾蔥 2粒 (切碎)
5. Mozzarella 碎芝士 2湯匙
6. Chedder 碎芝士 2湯匙
**碎芝士改用2-3片普通片裝芝士都得

做法:
1. 大蝦煎腳+鬚+眼，蝦背界開 (方便入味)，挑腸，洗淨印乾，用少許胡椒粉醃半小時，然後以中細火煎至金黃，備用。
2. 炒鍋/鑊煮滾水，加入伊麵，伊麵一散開，就瀝水盛起。

3. 乾葱爆香，倒入雞湯煮滾，然後加入蝦及芝士拌勻，煮至芝士溶化及微微濃稠，便加入伊麵拌勻，收汁，完成上碟。

[泰式甜品] 芒果糯米飯 (4人份量)

媽媽我好鐘意食芒果糯米飯，飛泰國返港時必定喺機場買兩盒！但而家疫情嚴峻，都係留喺屋企，安全得多！
但又實在太想食！所以唯有自己整^^解心癮!!

材料：
1. 白色糯米 320g (用黑糯米都得)
2. 椰漿 400ml
3. 班蘭葉 3塊 (可不加)
4. 糖 40g
5. 鹽 半茶匙
6. 芒果 2個

做法：
1. 糯米洗淨，用清水浸4小時以上。
2. 瀝乾水糯米，放入電飯煲，加入同等份量的水，再放入兩塊班蘭葉，按制煲飯，煮至熟。(或大火隔水蒸分鐘)

3. 小鍋內加入椰漿、餘下的班蘭葉、糖、鹽，細火煮4-5分鐘，熄火，取出班蘭葉，待涼。
4. 糯米煮熟後，加入一半椰漿拌勻。
5. 芒果去皮去核切片。
6. 以小碗盛起糯米飯，反轉倒模，放上芒果，倒上適量椰漿，即成，便可享用。