鄭小b之成長日誌

2020年8月13日星期四

網購情報 × 台灣直送 × 文末優惠 | 台灣人氣嬰幼兒產品網 @ DollBaoHK

網購已經成為我生活嘅一部份！而對於我呢個一湊二嘅全職媽媽嚟講，網購實在係超方便！唔止日常用品，就連外國嘅產品都可以直接喺海外網購回來^^。

早排就同大家分享過嘅「Hi Jell-O 蒟蒻床墊」，媽媽我就係喺【DollBao HK 逗寶全球嬰幼兒時尚品牌】網購返嚟嘅！
最近網站就做緊購物滿HKD450免運費，由台灣直送到屋企！
仲有精選貨品買兩件有95折優惠，而首次下單仲可減港幣15元優惠添！

網站有好多產品，琳瑯滿目！
而佢哋嘅涼墊，我同小b爸就各自試用過，真係有效降溫，非常好用！所以我哋今次首要係入手埋「Hi Jell-O 蒟蒻坐墊」！

好喇！而家就等我分享整個網購流程啦！

首先註冊做會員。
可以直接連接Facebook或輸入電郵申請。

輸入簡單嘅個人資料，註冊完成後，就會收到電郵確認！同時，還收到一封迎新會員購物優惠，獲得 15 點入會購物金。

今次除咗購買「Hi Jell-O 蒟蒻坐墊」，我仲入購咗「La Millou 竹纖涼感口水兜」同「英國The Good Time‧立體矽膠俏圍兜」俾妹豬。

「Hi Jell-O 蒟蒻坐墊」有好多款樣式供選擇。
嘩！有我喜歡嘅豹紋花紋呀！二話不說，加入購物車。只需從網頁選擇數量，按加入購物車，等待揀選完畢後一併付款。

「La Millou 竹纖涼感口水兜」同樣有好多花樣供選擇。

DollBao仲有「英國The Good Time‧立體矽膠俏圍兜」，超可愛呀！忍唔手買俾妹豬遲下作加固用。
從網頁選擇數量，按加入購物車，等待揀選完畢後一併付款。

揀選完畢後，就可以點擊右上角嘅購物車，就可以覆查訂單。核對款式同數量正確之後，就可以進入下一步啦！

付款方法好非常方便，除有信用卡支付之外，仲有港人常用嘅Payme。

輸入收貨資料及揀選好付款。付款後，就完成整個訂購程序，乖乖在家等待貨品由台灣直送到來！
正常貨期3-7日會送到，今次落單兩日後就收到，超surprise！

收到貨當然第一時間開箱啦！
「Hi Jell-O 蒟蒻坐墊」豹紋花紋真係好靚！即時俾妹豬用先！

Hi Jell-O獨家涼感分子，瞬間降5度，而波浪工藝設計讓涼感分子不移位！用咗佢，妹豬瞓覺唔再滿頭大汗，瞓得好舒適！

喺屋企就放喺Hair Chair，出街就將佢放喺bb車用。

「La Millou 竹纖涼感口水兜」我哋就揀咗普扣島花蝶，充滿春夏嘅氣息！竹纖質料好柔軟，仲好輕薄透氣唔焗身！

「英國The Good Time‧立體矽膠俏圍兜」款式靚就唔再講，矽膠質感柔軟，無膠味。

▲妹豬戴住嘅係小空姐款式，好得意唷！

貼心嘅4段式調整設計，再大啲都用到。

今次嘅網購超愉快，真心推介大家去DollBao ( https://pse.is/TTWHB ) 選購台灣人氣產品！

【小b媽媽讀者優惠‼】
於DollBao官網 ( https://pse.is/TTWHB )
購物滿HK$300，輪入優惠碼「austin30 」，就可減HK$30。
優惠期: 由即日至31/8/2020

2020年8月4日星期二

[抗疫之日常] 口罩肌救星 × 舒緩敏感紅腫 | 尚護健退紅修復甜橙啫喱

唔經唔覺，戴口罩嘅日子都有半年多！
最近天氣非常熱，仲要長時間戴住個口罩，又焗又熱，仲立黐黐，大人都咁辛苦，何況小朋友呢？！
小朋友嘅皮膚幼嫩，好似小b咁，戴一陣口罩，焗到出汗，面珠就開始又紅又痕！
唔止塊面，連手嘅關節位都俾汗水醃到紅咗，繼而仲搲損埋添！

最近就試用緊網上好hit、好多人用過都話好work嘅《#尚護健退紅修復甜橙啫喱》。

甜橙啫喱內含意大利天然甜橙精油配方，不含藥性、類固醇、樟腦、薄荷醇、水楊酸等易敏成分，亦不含市面上軟膏常見嘅化學成份，3歲以上及敏感肌人士都適用。

淡淡甜橙味，清新怡人，薄薄搽一層，形成啫喱保護膜，快速退紅、止癢、抗菌。水份啫喱仲容易吸收，清清涼涼，感覺好舒服，小b仲話搽咗無咁痕，關節位搽咗兩日好番哂！

而媽媽我都有一齊用！因為疫情底下，日日都接觸唔同嘅消毒用品、清潔用品，雙手手指頭甩哂皮，鞋颯颯！每日搽2-3次，入面嘅保濕修護因子，keep住加倍滋潤，好快滑番哂！

尚護健退紅修復甜橙啫喱除咗係口罩肌嘅救星外，仲有效針對乾癢紅腫、易敏泛紅、突發性紅疹、風癩、脫皮主婦手、汗疹、尿布疹、蚊叮蟲咬等等！

銷售點:
https://www.facebook.com/788425174549366/posts/3275438429181349/?d=n

#口罩敏感肌 #極速退紅修復 #抗疫好幫手 #晚間黃金8小時
#鎮靜 #補濕 #退紅 #濕疹 #脫皮 #主婦手 #無類固醇 #天然
#無藥性 #甜橙 #尚護健Little #意大利製造 #天然植物精油
#速效退紅還原大作戰 #RednessChallenge #SantecareLittle

2020年7月28日星期二

[親子共食 × 簡單食譜] 藍莓鬆餅blueberry muffin 12m+

•抗疫之日常•
好耐無同小b #親子廚樂喇！
趁妹豬瞓咗💤，
快手同小b一齊整miffin做 #下午茶！
做miffin嘅材料同做法都簡單容易，係新手媽媽們必學😊
唔用藍莓，改用草莓又得，大啲嘅小朋友用朱古力粒亦得😉
草莓miffin: https://m.facebook.com/story.php?story_fbid=647553702081645&id=511347449035605

材料:
1. 雞蛋 1顆
2. 糖 20g
3. 無鹽牛油 50g (座熱成溶液)
4. 奶 40ml
5. 低筋麵粉 80g
6. 無鋁泡打粉/自製泡打粉 1/2茶匙
7. 藍莓適量

做法:
1) 將雞蛋和糖拌勻。
2) 加入牛油溶液和奶拌勻。

3) 篩入低筋麵粉和泡打粉拌勻。
4) 將麵糊倒入紙杯約5分滿，加入藍莓，再倒入麵糊8分滿。
5) 放入已預熱180℃的焗爐，焗20分鐘。

自製泡打粉做法:

食用小梳打粉2茶匙、粟粉2茶匙和他他粉4茶匙，拌勻即成。

notes:
1) 每個焗爐爐溫有差別，請自行調節溫度及時間。

#簡單親子茶點 #幼兒茶點
#親子 #茶點
#親子入廚 #親子共食
#抗疫之日常
#二寶孕媽
#小b5y
#妹豬2m

2020年7月19日星期日

[親子共食] Oreo Cupcake

材料: (直徑6.5cm Cupcake杯 6個)

1. 低筋麵粉 100g
2. 糖 40g
3. 無鹽牛油 50g (室溫放軟)
4. 雞蛋 1顆
5. 無鋁泡打粉約1茶匙
6. 牛奶 60ml
7. Oreo餅 5塊 (不要餡，壓碎) (注意不要壓得太碎)
(我用了mini Oreo餅 × 2包)

裝飾:
1. Oreo餅 3塊 (切半)
(我用了原塊mini Oreo餅)

做法:
1) 180度預熱焗爐。
2) 牛油加入糖，用電動打蛋器混合至鬆軟。
3) 雞蛋分2次加入拌勻。
4) 粉類分2次篩入拌勻至無粉粒。
5) 牛奶分2次加入拌勻至順滑。
6) 加入已壓碎的OREO餅拌勻。

7) 將蛋糕糊倒cupcake杯中至8分滿，面加上Oreo餅作裝飾，180度低架焗25分鐘，便成。

notes:
1) 每個焗爐爐溫有差別，請自行調節溫度及時間。
2) 如不用泡打粉，可改用分蛋法。

2020年7月14日星期二

[小b媽媽廚樂] |《夏日消暑特飲系列》椰汁紅豆冰 & 益力多西瓜特飲

而家天氣咁熱，間中仲時晴時雨🌦️，又焗又熱，唔好話出完街番嚟大汗疊細汗，喺屋企都熱到飛起！呢啲時候真係想嘆番杯透心涼嘅飲品！
而家就等媽媽我分享兩杯透心涼嘅飲品，齊齊消消暑！

《🍹椰汁紅豆冰》*2杯份量

材料:

1. 紅豆約160g
2. 椰奶 1罐
3. 淡奶 1罐 (細)
4. 冰塊適量
5. 片糖約150g / 按個人喜好調節
6. 水約1200ml

做法:
1) 紅豆用水浸過夜，瀝水放入冰箱雪至冰 (唔雪都得)。
2) 小煲內加入水及紅豆，細火煲至紅豆焾身，不用煲到開花 (我煲咗30分鐘)。之後加入片糖，待片糖溶後，熄火，待涼。
3) 把紅豆加進杯中，再加入冰塊，倒入糖水，再加入2-3湯匙椰奶及適量淡奶，便可享用！

Note:-
1. 喜歡嘅，可以加上雪糕成雪糕紅豆冰。

《益力多西瓜特飲》*1杯份量

材料:

1. 益力多 1枝
2. 西瓜適量
3. 七喜/雪碧約半罐
4. 冰塊少量

做法:
1) 西瓜切粒，放入攪拌機攪拌後，倒入杯內，再加入冰塊，倒入七喜/雪碧，再倒入益力多，便可享用！

2020年7月9日星期四

[小b媽媽廚樂] 蠔仔肉碎泡飯

之前陀住妹豬初期，又暈又嘔，又無胃口，
淨係想食嘅 #蠔仔肉碎泡飯！

今日突然又好想食喎，自己買咗斤蠔仔番屋企整！
小b爸大讚好味，隊咗兩大湯碗！

而家天氣咁熱，胃口唔太好，來碗泡飯都唔錯，易入口，開胃啲^^

材料:

1. 蠔仔 1斤
2. 免治豬肉 15蚊
3. 飯約3碗
4. 冬菜 35g
5. 芫茜 3棵
6. 蔥 1棵
7. 薑 2片
8. 大地魚粉 1.5湯匙
9. 蝦米/蝦皮隨意
10. 雞湯 500ml
11. 水 1000ml
12. 胡椒粉適量
13. 魚露少許

醃料:
1. 生抽 1.5茶匙
2. 糖少許
3. 粟粉 1茶匙

做法:
1) 蠔仔先用水冲洗，再加入鹽同生粉拌勻，逐隻洗去蠔殼。反覆2-3次直至乾淨。
2) 煮滾水，加入少許酒及鹽，將蠔仔略汆水，然後印乾水份備用。
3) 冬菜用清水浸10分鐘，用手揸出多餘水份，切粒備用。
4) 蝦米用清水浸30分鐘，切粒備用。(如用蝦皮，就省略此步驟)
5) 免治豬肉加入醃料醃30分鐘。
6) 薑切絲、芫荽切碎、蔥切粒。
7) 爆香薑絲、冬菜，然後加入蝦米炒香，倒入雞湯及水，煮滾後，加入大地魚粉，然後再加入肉碎煮5分鐘，加入魚露拌勻，再加入飯煮5分鐘，再加入蠔仔煮2分鐘，加上芫茜碎、蔥花及胡椒粉調味，完成。

2020年7月7日星期二

[窩心送禮之選] Gift Hampers HK - 初生BB禮物籃 | 大方得體。精緻實用

生BB係咪會傳染架？！ haha.......
除咗我自己生完妹豬，身邊同時都有唔少親朋好友都喺差唔多時間生咗bb，或者係懷孕中嘅，戥佢哋開心之餘，仲要好好準備一下送咩禮物祝賀佢哋先！

之前就收過小b爸公司送嚟嘅嬰兒禮物籃 "Baby Hamper" ，我先知有 "Baby Hamper" 呢樣產品！既大方得體又實用！
嚟緊就有親友準備生BB，所以我就上網搜尋一下 "Baby Hamper" ，就搵到《Gift Hampers HK》！係嗰 #一站式禮物籃平台，入面有好多好靚好精緻嘅BB禮物籃。分有BB囝、BB女同孖胎嘅禮物籃，非常得體，仲好實用添！仲係即日落單，即日免費送貨！