《派對甜點: 酥皮蘋果玫瑰花🌹》 18m+

聖誕將近，介紹嗰既浪漫又簡易嘅甜點俾大家！預祝大家有個sweet sweet 窩心聖誕！

《酥皮蘋果玫瑰花》 味道酸酸甜甜，玫瑰花賣相又靚又浪漫！
大家仲可以加球雪糕，更加豐富！

材料:
1. 蘋果 1個
2. 現成酥皮 2片
3. 果醬 / 肉桂粉 適量
4. 糖粉 適量 (裝飾用) (可不加)

做法:
1) 將蘋果洗淨，去芯，切半切薄片。

2) 將蘋果片放入熱水，滾約半分鐘，令蘋果片軟化，然後瀝水印乾備用。
3) 190度，預熱焗爐。
4) 酥皮解凍後，切成3等份。
5) 取兩張1/3片酥皮，平行中間接合，酥皮上方半重疊舖上蘋果片，圓弧形向外，最尾預留1-2cm。

鋪好後搽上果醬，將酥皮向上對摺捲起成蘋果花。 

6) 放入焗爐，190焗20-25分鐘，取出放涼，灑上糖粉，便成。 

notes:-
1) 每個焗爐爐溫有差別，請自行調節溫度及時間。


#派對甜點 #甜點 #甜品 #親子共食
#小B食譜 #小B飲食 #食譜
#寶副食 #寶寶食譜 #兒童食譜
#二寶媽
#小b媽媽廚樂
#媽媽廚樂
#小b5y6m
#妹妹7m
#鄭小b之成長日誌

[媽媽廚樂] 惹味麻辣雞煲

好多人都好鐘意食雞煲，惹味又辣得過癮，送飯一流！

用嚟宴客簡直係prefect！簡單易做！食完加水/雞湯變湯底，打邊爐，一舉二得！

材料: (少麻辣程度，麻辣度請自行加減)
1. 冰鮮雞 1隻 + 雞脾2隻 (切件)
2. 大葱 半棵 (切片)
3. 蒜頭 2整個 (切粒)
4. 乾葱 7粒 (切片)
5. 薑 5片
6. 洋葱 1個 (切片)
7. 乾辣椒 7條 (切半)
8. 指天椒 5條 (切粒)
9. 蔥 2棵 (切粒)
10. 芫荽 2棵 (切碎)
11. 花椒粒 1小包
12. 八角 3個
13. 香葉 3塊

醃料:
1. 蠔油 3湯匙
2. 生抽 2湯匙
3. 老抽 2湯匙
4. 紹興酒 1湯匙
5. 糖 2茶匙
6. 胡椒粉 少許
7. 生粉 2湯匙
8. 麻油 少許

調味料:-
1. 巨樹牌麻辣燙 2-3湯匙
2. 甜醬 2湯匙
3. 紹興酒 2湯匙
4. 極鮮雞汁 2湯匙 

5. 水 2湯匙

做法:-
1) 將雞件飛水，然後加入醃料拌勻，醃1小時或以上。
2) 調味料拌勻備用。
3) 雞醃好後，預熱油鍋，中火爆香大蔥、蒜粒、乾蔥、薑片、蔥粒、洋蔥，然後加入雞件煎香。轉大火加入八角、指天椒、乾辣椒及花椒拌勻，再加入調味料拌勻 (如醬太杰身，可再加入少許水)，煮至雞件熟透。
4) 最後加上芫荽、蔥段、指天椒粒，即可上枱。

[媽媽廚樂] 日式生薑豚角煮

勁好味！唔難做！
炆45分鐘，啲肉又腍又入味，蘿蔔索哂汁！
隔日食仲正仲腍呀！！

送飯，送麵，夾刈包都好得！

材料:
1. 腩肉 2pack (我係數字屋買)
2. 日本大根 半個
3. 薑片 5-6片

汁料:
1. 醬油 3大湯匙
2. 味醂 3大湯匙
3. 清酒 2大湯匙
4. 糖 適量 (我用了一小舊冰糖)
5. 水 約400ml

做法:
1) 將腩肉洗淨， 切件，下少許薑茸及醬油拌勻，醃30分鐘以上。
2) 日本大根滾刀切件。
3) 將已醃好的腩肉煎至兩面金黃，盛起備用。
4) 預熱油鑊，下薑片爆香，再加入大根及腩肉，下汁料拌勻煮滾，轉慢火炆45分鐘 (期間不時攪拌免痴底)，完成。

親子共食甜品《紫薯雪花糕》 12m+

打風放假喺屋企做啲咩？

小b爸同小b做實驗，

媽媽就喺廚師整甜品 #紫薯雪花糕，
係之前整過嘅椰奶雪花糕嘅變奏版，
下午茶一齊 #親子共食！
爸爸唔太鐘意食椰絲，
所以一半唔落椰茸，成 #紫薯奶糕。

材料:
1. 紫薯 約120g (切粒)
2. 奶 350ml
3. 糖 20g (按自己喜好，自行 +/-)
4. 粟粉 50g
5. 椰茸(絲) 適量

工具:
1. 方形食物盒 1個

做法: 
1) 將一半奶與粟粉攪拌勻，備用。
2) 方形食物盒內掃上油。
3) 紫薯粒隔水大火蒸15分鐘，然後叉壓成紫薯泥。
4) 將紫薯泥加入餘下的奶拌勻，然後過篩。之後倒入小煲內加入糖，細火加熱至糖溶解。然後，將已拌入粟粉的奶倒進煲內，小火邊熱邊攪拌至濃稠狀，熄火，將紫薯糊倒入方形食物盒內，放涼，然後放入雪櫃雪凍。
5) 雪花糕成型後倒扣，切成方塊，逐塊沾上椰茸，完成。

參閱更多食譜，可到 鄭小b之成長日誌 專頁瀏覽。

【 生津潤肺】蘋果雪梨蜜棗茶

天氣涼涼地，入秋...

要煲多咗清潤嘅湯水，保持喉肺滋潤，打好底，對抗肺炎！

屋企有蘋果同雪梨，咁就有咩煲咩啦^^

煲咗個 #蘋果雪梨蜜棗茶，生津滋潤，夠哂甜，
我哋3得一下子就飲哂！

蘋果: 生津潤肺
雪梨: 潤肺清燥
蜜棗: 益脾潤肺

材料: 
1. 蘋果 2個
2. 雪梨 3個
3. 蜜棗 4粒
4. 南北杏 適量
5. 水 2.2L

做法: 
1) 蘋果用刀刮去表面的蠟，洗淨，去芯，切件。
2) 雪梨洗淨，去芯，切件。
3) 煲內注入水，將所有材料加入，大火滾10分鐘，轉小火煲40分鐘，熄火焗10分鐘，完成。(可按自己喜歡的甜度，加入冰糖)

notes: 

1) 雪梨及蘋果連皮煲有一定功效。 

2) 雪梨及蘋果需去芯，否則會酸苦。 

3) 材料有藥材成份，要了解自己個人體質是否適合飲用。

Page: 鄭小b之成長日誌

【 潤肺清熱】節瓜日月魚蟲草花雪耳湯

小b爸近排返多咗通宵，個人又乾又燥，特登煲呢個湯俾佢下吓火，滋潤下。

潤肺清熱，秋冬時候好啱飲！

日月魚: 性質溫和， 補腦補鈣明目，一家大細都啱飲。
蟲草花: 性質平和、不寒不燥，提高免疫能力。

雪耳: 養顏、養胃、滋陰潤肺的功效。
陳腎: 健脾清滯


材料:
1. 日月魚 2扎
2. 蟲草花 1把
3. 節瓜 3個
4. 陳腎 3個
5. 雪耳 1個
6. 蜜棗 2粒
7. 生曬淮山 10塊
8. 西施骨 $40
9. 水 約3.5L


做法:
1) 日月魚，蟲草花，生曬淮山浸洗乾淨備用。
2) 節瓜用小刀刮走皮，切件。
3) 肉汆水，備用。
4) 陳腎用清水浸10 分鐘，再氽水 2-3 分鐘，將陳腎切開。 (更容易出味)
5) 雪耳浸水發透，去除硬頭，然後撕成小塊。
6) 煲內注入水，除雪耳外，將所有材料放入煲內，大火滾30分鐘，轉小火煲2小時，於最後半小時加入雪耳，加入少許鹽調味，完成。

notes:
1) 加了雪耳煲的湯水，要即日食/飲用，不能擺放隔夜，會釋放有害物，會對人體造成嚴重危害。
2) 材料有藥材成份，要了解自己個人體質是否適合飲用。

免焗蛋糕食譜《美祿熔岩蛋糕 (即心太軟) 》

試咗幾次，7分半鐘係最好嘅！

話說小b舅父俾咗兩包成kg嘅美祿粉，
唔知沖幾多杯美祿先做得哂😂！
要諗諗點消滅佢，
所以就整咗呢款甜品 熔岩蛋糕 (即係 #心太軟)。
又快又易，唔洗焗爐都得！

材料:  (2個份量)

1. 美祿粉 80g
2. 熱水 2湯匙
3. 雞蛋 2只
4. 糖30g
5. 低筋麵粉 70g
6. 無鹽牛油 60g (座溶)

做法:
1) 美祿粉與熱水拌勻。

2) 雞蛋打發後，加入糖及已篩的低筋麵粉，拌勻至無粉粒，然後倒入美祿糊拌勻，最後倒入無鹽牛油溶液，拌勻。

3) 器皿掃上一層油，然後倒入蛋糕糊。水滾，蓋上布，隔水大火蒸7分半鐘。

4) 蒸好後，脫模，灑上少許糖粉或美祿粉，完成。