幼兒食譜《夾心紫薯糕》15m+

仲有兩星期就到農曆新年🧧，大家係咪都努力蒸緊糕？定已經準備好哂？😆
我哋屋企就用淨啲啲粘米粉同糯米粉，媽媽我就用嚟蒸個 #紫薯糕 俾小b做下午茶！

紫薯甜甜哋，味道唔錯，口感煙韌！
💜紫色仲帶點浪漫，同時慶祝農曆新年同情人節😆💜！

材料:
1. 紫薯 270g
2. 粘米粉 120g
3. 糯米粉 30g
4. 水 約40g
5. 奶 30g

用具:
1. 6寸蛋糕模 1個

做法:
1) 紫薯去皮，切片，蒸熟，用叉壓成泥。
2) 取100g紫薯泥，分兩次倒入粘米粉及糯米粉，再加入水，用手搓成紫薯粉，過篩，備用。

3) 將餘下的紫薯加入牛奶，拌勻，備用。

4) 蛋糕模鋪上一半紫薯粉，輕掃平，然後鋪上一層牛奶紫薯泥做夾心，然後倒入餘下嘅紫薯粉於面，掃平。

5) 凍水落鑊，蛋糕模上蓋上一條濕布，隔水蒸25分鐘，熄火，焗再10分鐘，然後取出待涼，脫膜，完成。

notes:
1) 留意番有否對食材敏感。

【 小b媽媽廚樂】白咖喱豬扒

沙×王招牌 #白咖哩香茅豬扒 ，

你哋鐘唔鐘意食？
小b爸就好鐘意！甜而不辣，超好餸飯。
無得出街食，咁媽媽落手煮，仲洗重米添！
好好味，而家喺屋企都食到喇！

材料：
1. 豬扒 4塊
2. 雞湯 350 ml
3. 椰汁 200ml
4. 南薑 3片
5. 香茅 1支 (拍扁切段)
6. 蒜頭 2粒 (0拍扁)
7. 乾蔥 2粒 (切片)
8. 白咖喱粉 3湯匙 (用黃咖喱粉都 ok)
9. 檸檬葉 數片 (撕碎)
10. 水 200ml

醃料:
1. 香茅 1枝 (刀背拍扁切碎)
2. 魚露
3. 糖
4. 蒜蓉
5. 乾蔥蓉
6. 青檸 1個 (榨汁)
7. 生抽
8. 胡椒粉 

9. 生粉

裝飾:
1. 洋蔥 3片
2. 芫茜 少許
3. 蔥花 少許
4. 炸乾蔥碎 少許

做法:
1. 豬扒用刀切斷筋部位置，然後拍鬆，切件。加入醃料，醃2小時，然後放入氣炸鍋 180度8分鐘，反轉5分鐘，或煎至兩邊金黃。
2. 易潔炒鍋加入白咖喱粉、香茅、南疆、蒜頭、乾蔥爆香，加入雞湯、水同檸檬葉中火煮10分鐘，再加入椰汁煮2分鐘，加入鹽同糖調味。最後加入生粉水埋芡，上碟，放上豬扒，灑上洋蔥、蔥花、芫茜及炸乾蔥碎，便成。

#媽媽廚樂
#家常餸菜 #家常菜式
#家常湯水 #家常涼水
#二寶媽
#小b媽媽廚樂
#小b5y7m
#妹妹8m

#簡單親子茶點 《💜一口紫薯鬆餅仔💜》 18m+ #親子共食

 呢個茶點真係。不。得。了。

好食到暈，香脆鬆軟！

小b一個一口氣食十幾粒，

而媽媽我同小b爸只係分到兩三粒！
下次要整多一倍份量先得喇！

材料:
1. 無鹽牛油 50g (室溫放軟)
2. 糖 20g
3. 全蛋液 30g
4. 低筋麵粉 90g
5. 無鋁泡打粉 2g
6. 奶粉 5g
7. 紫薯粉 8g

做法:
1. 牛油室溫放軟後，加入糖攪勻，呈現乳白黃色。
2. 加入蛋液拌勻。
3. 篩入所有粉類，攪拌成麵團，壓成方形，用保鮮紙包好，放入雪櫃冷藏30分鐘。

4. 30分鐘後，從雪櫃取出麵團，平均切割，每個約10g重，搓圓。

5. 預熱鬆餅機後，將麵團放入烘4分鐘，即成。 

更多食譜分享，請瀏覽鄭小b之成長日誌 facebook專頁。

#幼兒茶點 #親子 #茶點
#抗疫之日常
#小B食譜 #小B飲食 #食譜
#寶副食 #寶寶食譜 #兒童食譜
#二寶媽
#小b媽媽廚樂
#媽媽廚樂
#鄭小b之成長日誌

健脾化濕、滋陰補腎《五指毛桃螺頭湯》

經過一輪大魚大肉，回復番簡單3餸1湯家常菜。

五指毛桃螺頭湯，好清甜，飲完好舒服！

煲湯仲帶點椰香味，兩父子唔知道，以為我煲椰子湯畀佢哋飲，haha.....

《五指毛桃螺頭湯》

五指毛桃: 健脾祛濕，補肺止咳，清甜帶淡淡椰香味。
紅螺頭: 滋陰補腎

材料：
1. 紅螺頭 6-8粒
2. 五指毛桃 1扎
3. 生曬淮山 8塊
4. 百合 1把
5. 茨實 1把
6. 果皮 1瓣
7. 無花果 3粒
8. 粟米 1枝
9. 紅蘿蔔 1個
10. 栗子 1把
11. 西施骨 $40-50


做法:
1) 紅螺頭用清水浸5-6小時，浸過夜更佳。
2) 西施骨汆水，備用。
3) 紅蘿蔔去皮，切件。
4) 粟米切開數段。
5) 栗子洗淨。
6) 五指毛桃用清水浸15分鐘。
7) 果皮用清水浸軟，刮囊。
8) 把餘下材料浸洗乾淨，備用。
9) 煲內住入3.5L， 並加入所有材料，大火滾30分鐘然後轉細火煲1.5小時。

notes:
1) 材料有藥材成份，要了解自己個人體質是否適合飲用。

更多食譜分享: 鄭小b之成長日誌

#媽媽廚樂
#家常餸菜 #家常菜式
#家常湯水 #家常涼水
#二寶媽
#小b媽媽廚樂
#小b5y7m
#妹妹8m

《派對甜點: 酥皮蘋果玫瑰花🌹》 18m+

聖誕將近，介紹嗰既浪漫又簡易嘅甜點俾大家！預祝大家有個sweet sweet 窩心聖誕！

《酥皮蘋果玫瑰花》 味道酸酸甜甜，玫瑰花賣相又靚又浪漫！
大家仲可以加球雪糕，更加豐富！

材料:
1. 蘋果 1個
2. 現成酥皮 2片
3. 果醬 / 肉桂粉 適量
4. 糖粉 適量 (裝飾用) (可不加)

做法:
1) 將蘋果洗淨，去芯，切半切薄片。

2) 將蘋果片放入熱水，滾約半分鐘，令蘋果片軟化，然後瀝水印乾備用。
3) 190度，預熱焗爐。
4) 酥皮解凍後，切成3等份。
5) 取兩張1/3片酥皮，平行中間接合，酥皮上方半重疊舖上蘋果片，圓弧形向外，最尾預留1-2cm。

鋪好後搽上果醬，將酥皮向上對摺捲起成蘋果花。 

6) 放入焗爐，190焗20-25分鐘，取出放涼，灑上糖粉，便成。 

notes:-
1) 每個焗爐爐溫有差別，請自行調節溫度及時間。


#派對甜點 #甜點 #甜品 #親子共食
#小B食譜 #小B飲食 #食譜
#寶副食 #寶寶食譜 #兒童食譜
#二寶媽
#小b媽媽廚樂
#媽媽廚樂
#小b5y6m
#妹妹7m
#鄭小b之成長日誌

[媽媽廚樂] 惹味麻辣雞煲

好多人都好鐘意食雞煲，惹味又辣得過癮，送飯一流！

用嚟宴客簡直係prefect！簡單易做！食完加水/雞湯變湯底，打邊爐，一舉二得！

材料: (少麻辣程度，麻辣度請自行加減)
1. 冰鮮雞 1隻 + 雞脾2隻 (切件)
2. 大葱 半棵 (切片)
3. 蒜頭 2整個 (切粒)
4. 乾葱 7粒 (切片)
5. 薑 5片
6. 洋葱 1個 (切片)
7. 乾辣椒 7條 (切半)
8. 指天椒 5條 (切粒)
9. 蔥 2棵 (切粒)
10. 芫荽 2棵 (切碎)
11. 花椒粒 1小包
12. 八角 3個
13. 香葉 3塊

醃料:
1. 蠔油 3湯匙
2. 生抽 2湯匙
3. 老抽 2湯匙
4. 紹興酒 1湯匙
5. 糖 2茶匙
6. 胡椒粉 少許
7. 生粉 2湯匙
8. 麻油 少許

調味料:-
1. 巨樹牌麻辣燙 2-3湯匙
2. 甜醬 2湯匙
3. 紹興酒 2湯匙
4. 極鮮雞汁 2湯匙 

5. 水 2湯匙

做法:-
1) 將雞件飛水，然後加入醃料拌勻，醃1小時或以上。
2) 調味料拌勻備用。
3) 雞醃好後，預熱油鍋，中火爆香大蔥、蒜粒、乾蔥、薑片、蔥粒、洋蔥，然後加入雞件煎香。轉大火加入八角、指天椒、乾辣椒及花椒拌勻，再加入調味料拌勻 (如醬太杰身，可再加入少許水)，煮至雞件熟透。
4) 最後加上芫荽、蔥段、指天椒粒，即可上枱。

[媽媽廚樂] 日式生薑豚角煮

勁好味！唔難做！
炆45分鐘，啲肉又腍又入味，蘿蔔索哂汁！
隔日食仲正仲腍呀！！

送飯，送麵，夾刈包都好得！

材料:
1. 腩肉 2pack (我係數字屋買)
2. 日本大根 半個
3. 薑片 5-6片

汁料:
1. 醬油 3大湯匙
2. 味醂 3大湯匙
3. 清酒 2大湯匙
4. 糖 適量 (我用了一小舊冰糖)
5. 水 約400ml

做法:
1) 將腩肉洗淨， 切件，下少許薑茸及醬油拌勻，醃30分鐘以上。
2) 日本大根滾刀切件。
3) 將已醃好的腩肉煎至兩面金黃，盛起備用。
4) 預熱油鑊，下薑片爆香，再加入大根及腩肉，下汁料拌勻煮滾，轉慢火炆45分鐘 (期間不時攪拌免痴底)，完成。