[清熱解毒、健脾] 蓮藕綠豆章魚湯

家中兩位老闆流鼻血情況多左，媽媽我就走去買左蓮藕，用蓮藕節煲止鼻血嘅涼血湯水俾佢哋飲！
隔天，見剩底兩節蓮藕，就用咗嚟煲湯。
蓮藕就最啱配綠豆一起煲湯。
加埋章魚，香味濃郁，唔洗落鹽！

材料:
1. 蓮藕 2節
2. 乾章魚 1隻
3. 綠豆 半碗
4. 西施骨 $30
5. 果皮 1瓣
6. 蜜棗 2粒
7. 水 3.5L

做法:
1) 乾章魚用清水浸半小時，剪件，備用。
2) 果皮用清水浸軟，刮囊。
3) 綠豆及蜜棗浸洗乾淨，備用。
4) 西施骨汆水，備用。
5) 蓮藕去皮 , 切件。
6) 煲內注入水，下果皮，水滾後加入其餘材料，大火滾30分鐘 , 轉小火煲2小時 , 完成。(可加少許鹽調味)

notes:
1. 濕疹或皮膚搔癢者，不建議用章魚。