【復活節好去處】童遊反斗時光機 @挪亞方舟

剛剛過去嘅週未，我哋就率先參與咗挪亞方舟嘅「童遊反斗時光機」活動，同小b穿過時光機，重拾爸爸媽媽嘅童年回憶！齊齊又玩又食，懷舊一番，感受香港昔日歲月。

「懷舊香江製麵館」   *需使用4張遊戲券*

李錦記及德國寶贊助，由師傅教授用製麵機自製麵條！
我家小廚師出場，伙拍爸爸一同製麵。

健康麵團口味分別有紅菜頭味、紅蘿蔔味或菠菜味 (3選1) ;而湯底就有蕃茄濃湯或豬骨濃湯 (2選1); 最後仲可以製作自己專屬嘅包裝袋。

「維他奶砵仔糕工作坊」 *需使用3張遊戲券*

講到香港地道情懷嘅攞街甜食，砵仔糕一定係其中之一，深受不同年代的人鍾愛，我同小b都同樣好喜歡。

傳統嘅砵仔糕以黃糖或白糖製成，「維他奶砵仔糕工作坊」就有別傳統，以維他奶的豆奶及麥精豆奶調製出啡白雙色嘅新派砵仔糕！

用麥精豆奶嚟整砵仔糕都係第一次！
香噴噴、熱辣辣，小b急不及待試食！

▼工作坊擺放了乾淨紙包回收桶。

「養生花茶體驗坊」 *需使用3張遊戲券*

古色古香的養生茶坊，小b換上茶館師傅制服，以「小徒弟」跟隨導師學習調配三款養生花茶。

三款養生花茶: 桂花雪梨茶、蘋果山楂茶、檸檬薏米茶

「情尋康樂棋製作室」 *需使用2張遊戲券*

康樂棋係唔少80、90年代小朋友嘅集體回憶！
「情尋康樂棋製作室」就可俾大家重拾兒時回憶，自製一副自己專屬嘅康樂棋。

由親手摺出康樂棋盒，再喺懷舊香港街景背景圖的棋盤上貼上不同圖案和指示的貼紙，令小b爸回想番細細個經常跟哥哥、家姐圍住張紙棋盤擲骰子、嘻嘻哈哈、吵吵鬧鬧，一齊玩得開心！

「巨型懷舊遊戲競技場」
*不用遊戲券，憑「歲月通行證」就可參加*

競技場內3款放大版遊戲：波子棋、彈珠台及層層疊。

3米 x 2.6米的「巨型波子棋」

玩法跟平時嘅波子棋唔同，小朋友將波拋進紫色小洞便可得分。

「神槌大力士」
手持巨型槌子，聽指令把疊高嘅菠蘿包或雞尾包敲出。

2.4米 x 2米「超大彈珠台」
以球取代彈珠，小朋友將球向前滾動，經過釘子落入分數洞裡。

完成哂3款遊戲，便可換領懷舊小禮物一份。

「古董巴士合拍區」

熱狗巴士已經退役多年，已成香港人嘅集體回憶。
熱狗巴陪伴好多人成長，我讀中學嗰時，番學放學經常都會乘坐它，仲要必定坐上層，開大窗，感受涼風撲面。

挪亞方舟與九巴合辦「古董巴士合拍區」，展出兩架服務香港逾半個世紀嘅 「熱狗」巴士，小朋友仲可以穿上車長制服與退役巴士拍照。

「大水牛」的麗晶5型雙層巴士

「亞比安」55型的單層巴士

除了以上嘅體驗活動，仲有其他刺激好玩的遊戲供大人小孩一同玩樂，包括人肉保齡球、小型賽車場及空中奇遇繩索等。

挪亞方舟「童遊反斗時光機」
活動日期: 2019年4月19日至5月13日（逢星期六、日及公眾假期）
時間: 上午10時至下午6時
地點: 香港新界馬灣珀欣路33號
活動詳情: http://bit.ly/2UPJjZn
**透過挪亞方舟官網購票，即可優先預約「童遊反斗時光機」2個活動 (名額有限，先到先得)**

x