[小b媽媽廚樂] 日式料理 | 日式吉列豬扒

翻開電話相簿，睇番沖繩旅行嘅相片，真係開心又盡興❣
品嚐咗唔少美食！其中有間日式小店嘅 #日式吉列豬扒 好出色！相當令人懷念喔！

不過短時間都唔能夠飛，而疫情期間最好都係留在家中，少外出，所以我就嘗試自己整個 #日式吉列豬扒定食 ，回味下！同幫我嗰新嘅 #德國孖人牌 ZWILLING® TruClad 中式炒鍋 開光 ！

講番日式吉列豬扒，配以大量椰菜，沾日式豬扒醬又得，沾沙律醬又得，配咖喱、滑蛋都得。
而做法比想象中易！重點要沾兩層麵包糠同埋要炸兩次！豬扒香脆美味！

我唔鐘意用太多油，所以我用咗半煎炸方式！
而不得不提提嗰新入手嘅 #德國孖人牌中式炒鍋，不銹鋼水靚，受熱好均勻，煎炸出嚟嘅豬扒金黃均勻; 煎、炸、炒都無痴底，唔會一大陣油煙，我都幾滿意！ ( 而家覺得啲煎炸油聲好好聽)
嚟緊要好好繼續同佢磨合磨合！煮多啲好餸！

炒鍋煎、炸、炒無痴底少少心得:-
1. 燒熱炒鍋，見到油紋，先好放食物。
2. 食物從雪櫃取出，最好放置接近室溫先好落炒鍋。


材料:
1. 豬扒 3塊
2. 麵包糠 適量
3. 低筋麵粉 適量
4. 雞蛋 2-3顆
5. 椰菜 大半個 (視乎大小)

醃料:
1. 鹽 適量
2. 胡椒粉 適量

做法:
1) 豬扒洗淨，印乾水份，輕輕𠝹開邊邊，用刀背輕輕拍打，加入醃料，醃30分鐘。

2) 將已醃豬扒依次序沾上麵粉、蛋液及麵包糠。再重複沾蛋液及麵包糠，壓實，靜置10分鐘反潮。

3) 中火燒熱油，下豬扒炸2分鐘後反轉，炸2分鐘至金黃，取出瀝油。然後轉大火，再下豬扒回鍋，大火炸約30秒，取出放廚房紙上吸油，再斜切成件，放於椰菜絲上，便可享用。