學校親子旅行

第一次學校親子旅行喎，唔係唔記錄一下嘛！

當日雖然天公不太造美，陰陰天，間中還下著矇矇細雨，但都無阻我地雅興。

旅行第一站就到448農莊 (媽媽一直好想帶小b去)

地方好大，環境優美舒適
一步入莊園，就有一大片花田
行前啲，就係農莊嘅地標 "紅色雙層巴士" (其實係一間咖啡室)

巴士內的司機位供大家一嘗揸下巴士，當上巴士司機嘅滋味

老師家長同學們到齊後，我地就係巴士前面嘅大草地做過早操，然後就分三組跟導賞員參觀農莊

觀賞花花草草、新式耕作、親親小動物 (有羊咩咩、兔仔、鸚鵡)

農莊內設有兒童區:
室內/外兒童遊樂區、沙池、長滑梯任玩

在大草地上休嬉

仲有餵羊咩咩，免費架😊 (要留意番餵飼時段喔)

還有充氣彈床、兒童電動車、射擊、工作坊。(需付費的)

放完電，係時候要醫下個肚仔！
學校安排左去流浮山享用豐富午膳😊

食飽飽後，逛逛海味街消化下！
然後就出發去青衣東北公園再玩🤘

青衣東北公園環境适靜，海峽中的船兒悠閒地熙來攘往，海濱長廊與荃灣海濱公園相輝映，簡直令人有種想向岸邊呼喊一聲嘅衝動！😂
園內有兩個兒童遊樂場、足健徑、緩跑徑、長者健體園地等設施。
喺度跑下步、做下運動、耍下太極、放個電。。實在暢心寫意！

學校嘅親子活動做得好好，不只今次旅行，之前嘅中秋花燈會竟然有魔術表演、聖誕聯歡會又有多個寓學習於玩樂嘅攤位遊戲，而今次旅行更加是行程豐富。不得不給學校一個讚！👍