[人氣大熱] 法式布甸麵包

人氣大熱 #法式布甸麵包

未有機會試到人氣餅店嘅 #法式布甸包，就要暫時停售，係有點可惜😣。

不過唔緊要，膽粗粗試下自己整😬。。。

果然又得喎😆！

外脆內軟，中間嘅布甸震騰騰😍😍仲有少少流心添😮

食一個都幾飽，但個心又會想添多一個喎👉👈

材料:

1. 高筋麵粉 160g
2. 低筋麵粉 40g
2. 水 130ml
3. 糖 10g
4. 即溶酵母 3g
5. 鹽 3g
6. 無鹽牛油 10g

布甸餡料:
1. 蛋黃 1隻
2. 全蛋 2隻
3. 糖 40g
4. 粟粉 10g
5. 奶 100ml
6. 淡忌廉 250ml
7. 雲呢拿香油 半茶匙 (可省略)

做法：
1. 除酵母及牛油，將所有麵包材料加入廚師機內，底速攪勻，再落酵母，攪勻，最後落牛油，高速打到半光滑。取出滾圓，放入大碗內，蓋上保鮮紙， 進行第一次發酵，約一小時，發至兩倍大。
2. 取出麵糰，排氣滾圓並分割成4份，滾圓，蓋上保鮮紙鬆弛15分鐘。
3. 將麵糰放於已鋪上牛油紙的焗盤上，蓋上麵包布，進行第二次發酵45分鐘。
4. 預熱焗爐190度。
5. 麵團發酵完成後，放入已預熱190度的焗爐內，以190度焗15-20分鐘。取出放涼後，切開麵包頂，並將包內的麵包取出，然後用匙羹輕按壓麵包內圍。

6. 將蛋黃、全蛋及糖，攪拌勻，然後將餘下的布甸餡料材料加入拌勻，倒入煲內，以小火煮至微稠身，期間需不停攪拌。
7. 最後將蛋漿過篩，並倒入麵包中，以160度焗25分鐘，完成。

notes:
1) 每個焗爐爐溫有差別，請自行調節溫度及時間。

【茶記風味 × 媽媽廚樂】港式沙嗲牛肉 × 五香肉丁

要火腿通定沙嗲牛麵？還是肉丁麵？

#沙嗲牛肉 同 #五香肉丁 都係自家製

沙嗲牛肉👉要有粗粒花生碎先至正！牛肉滑，重點落生粉水！好得，外賣都唔洗賣喇😆，自己整一大碗，加落麵又或者用嚟夾包都得！

五香肉丁👉功夫多啲，要煮成個鐘，不過都似嘅，係辣咗啲！

[港式沙嗲牛肉] 食譜

材料:
1. 牛肉 300g

醃料：
1. 生抽 1.5湯匙
2. 糖  1茶匙
3. 胡椒粉 適量
4. 生粉 2茶匙
5. 水 少許
6. 油 1湯匙

調味料：
1. 蒜蓉 1大匙
2. 沙嗲醬 3-4湯匙
3. 粗粒花生醬 2.5湯匙
4. 糖 少許
5. 水 適量

做法：
1. 牛肉依次序加入醃料，先加入生抽、糖及 胡椒粉拌勻， 加入水拌勻，待牛肉完全吸收水份後，再加入生粉拌勻，最後加入油拌勻，醃30分鐘。
2. 除蒜蓉外，將調味料(2)-(5)拌勻備用。
3. 預熱油鑊，加入牛肉快炒至7成熟，盛起。
4. 另預熱油鑊，加入蒜蓉爆香，再加入調味料及牛肉煮至杰身，便成。

[五香肉丁] 食譜:

材料:
1. 梅頭肉 約400g
2. 薑片 3片

醃料:
1. 糖
2. 廚酒
3. 五香粉
4. 生抽

醬料:
1. 五香粉 適量
2. 老抽 適量
3. 沙茶醬 少許
4. 辣椒油 1湯匙 (按個人喜好+/-)
5. 水 適量
6. 冰糖 適量
7. 指天椒 1隻 (按個人喜好+/-)

做法:
1. 豬肉汆水，切成肉丁，再加入醃料醃30分鐘。
2. 預熱油鍋，下薑片爆香，下豬肉爆炒，加辣椒油拌勻，再沙茶醬拌勻，下指天椒，然後加入五香粉兜勻，之後就倒入水蓋過面，再加老抽及冰糖，大火煮滾再細火煮40分鐘，試味調整，最後大火煮到微微收汁或個人喜歡嘅程度，便成。

#親子共食 《泰式香蕉煎餅》

 #親子共食 《泰式香蕉煎餅🍌》 36m+

疫情下，宅在家🏡，連街都少出！慨嘆無得飛✈️，又勁掛住當地嘅美食，咁唯有自己動手試整吧🤗！
今次用咗個簡單嘅做法，整咗份泰國街頭小食 -- #泰式香蕉煎餅 ，🥲填補去旅行嘅心。
雖然唔係正宗做法😆，無搓皮無拋皮，但還原度都相當高🤩，同樣好好味！
小b第一次食，大讚之餘，仲想encore添

材料:
1. 急凍印度酥餅 1塊
2. 雞蛋 1顆
3. 香蕉 1隻
4. 牛油 適量
5. 煉奶 適量
6. 朱古力醬 適量

做法:
1. 香蕉切片，取3/4份量的香蕉片與雞蛋拌勻備用。余下的1/4香蕉片作裝飾。
2. 用麵粉棍將急凍印度酥餅碌薄。
3. 煎pan內加入牛油，煮至溶化後，加入酥皮，將香蕉蛋漿倒在酥餅中間位置。接著把酥餅四邊摺起，慢火煎2-3分鐘至金黃香酥，然後反轉再煎另一面至金黃香酥，盛起，用小刀平均切開9份，加上煉奶及朱古力醬，並加上香蕉片作裝飾，便可享用。

[媽媽廚樂] 蜜糖鬆餅

#還原KFC蜜糖鬆餅

有無人同我一樣好鐘意食KXC蜜糖鬆餅？

不過呢...唔係次次都好食，有時唔夠蜜糖，有時硬多過脆！但原來自己做都唔太難，小朋友都可以一齊做！

尋日就焗咗一盤5個鬆餅，新鮮出爐，外脆內軟，秒殺！一個不留！

材料:

1. 低筋麵粉 150g
2. 無鋁泡打粉 4g
3. 凍無鹽牛油 40g
4. 鹽 1g
5. 糖 10g
6. 牛奶 50ml
7. 蜜糖 15g
8. 雞蛋 1顆
9. 蜜糖/楓糖醬 適量 (塗面用)

做法:
1) 焗爐預熱 200℃ 。
2) 低筋麵粉、泡打粉同鹽過篩，加入糖拌勻。
3) 從雪櫃取出無鹽牛油，切粒，加入粉內，用指尖摔碎混合成麵包糠狀。

4) 加入材料6-8，用矽膠刮刀輕拌勻。
5) 以兩隻匙羹輔助，整成球形，放在已鋪有牛油紙的焗盤上，放入焗爐，以200℃，焗15至20分鐘，取出，趁熱掃上蜜糖，完成。
我哋就掃完蜜糖，再放入焗爐焗多3-4分鐘。

notes:
1) 每個焗爐爐溫有差別，請自行調節溫度及時間。

[媽媽廚樂 × 簡易食譜] 芝士牛肉餅

#上Zoom嘅日子又開始了 #網課的日子

今日上Zoom上咗5個鐘，唔好話小朋友，大人都覺得辛苦！
今日上堂嘅情況還好，小b哥哥都算專心！不過就經常搵唔到啲工作紙、功課簿咁囉。
落堂之後，9秒9做哂啲功課！
咁爽手，好啦~整個芝士牛肉餅俾你做下午茶！

材料:

1. 洋蔥 2片 (切粒)
2. 墨西哥薄餅 2塊
3. 牛肉 150g
4. 芝士 適量

調味料: 
1) 蕃茄醬 少許
2) 鹽 少許

做法:
1) 平底鑊加入少許油，中火下洋蔥碎炒軟，加入免治牛肉炒至轉色，然後再加入調味料炒勻，大火煮至收汁，盛起。
2) 平底鑊放入一塊墨西哥薄餅，中間舖一層芝士，然後放上洋蔥牛肉，再舖一層芝士，面加上另一塊墨西哥薄餅，用鑊鏟輕輕壓一壓，煎至兩邊金黃，盛起，切成4-6份，完成。

#媽媽廚樂 
#家常餸菜 #家常菜式 #家常湯水
#二寶媽
#小b媽媽廚樂
#小b6y
#妹妹21m

《#派對小食 / #茶點 / #親子共食 : 草莓千層酥》

 仲有幾日就到聖誕，等媽媽再介紹多一款聖誕派對小食俾大家！

#草莓千層酥 賣相係咪好吸引呢？仲酥脆可口，大家更可以配搭自己喜歡嘅水果添！

材料:
1. 酥皮 3塊
2. 吉士粉 適量
3. 奶 適量
4. 蛋黃 2顆
5. 糖粉 適量 (裝飾用，唔落都得)

做法:
1) 預熱焗爐，180 度。
2) 吉士粉加入適量奶，拌勻至自己喜歡嘅杰度，然後放入唧袋，備用。
3) 酥皮解凍後，平均分成9小塊。取兩小塊酥皮，疊起，用圓形模切出圓形，然後底放一塊完整小酥皮，用叉在底部拮數下，於表面掃上蛋黃液，放入焗爐180度焗18分鐘至金黃色。之後取出待涼後，中間加上吉士醬，放上草莓，撒上糖粉便完成。

notes:-
1) 每個焗爐爐溫有差別，請自行調節溫度及時間。

#Christmas #聖誕節
#小B食譜 #小B飲食 #食譜 #菜點
#寶副食 #寶寶食譜 #兒童食譜
#二寶媽
#小b媽媽廚樂
#媽媽廚樂
#小b6y
#妹豬18m

《家常菜》肉碎蒸蛋

蒸蛋滑嘟嘟，配埋肉碎，#超好送飯！

材料:

1. 免治豬肉 適量
2. 雞蛋 3顆
3. 雞湯 250ml
4. 蔥粒 少許

做法:
1. 雞蛋打勻，加入雞湯拌勻，過篩，包上微波爐保鮮紙，中火隔水蒸8-10分鐘，焗5-10分鐘。
2. 另一邊廂，預熱油鑊，加入免治豬肉碎炒至轉色， 加入蒜蓉炒勻，再加入適量蠔油、生抽、老抽、糖、水，炒勻， 然後加入生粉水，煮至濃稠，熄火，放在蒸蛋上，最後灑上蔥花，完成。