[幼兒食譜] 肉醬薯蓉

Day 1203 (3yr3m)
<肉醬薯蓉>   

👩🏼: 小b，今日學校茶點食咩？
👶🏻: 通粉。
👩🏼: 哦！食左通粉呀！
👩🏼: 媽媽午餐煮肉醬，你茶點食左通粉，咁午餐不如配飯或者薯蓉丫？
👶🏻: 我想配薯蓉！媽媽，我地一齊整薯蓉丫！

好！一齊整！但你邊整邊偷食😆😆

材料: (1人)
1. 薯仔 1-2個 (視乎大小)
2. 蕃茄 1大個 (去皮切粒)
3. 洋蔥 1/4個 (切粒)
4. 蒜頭 1瓣 (切粒)
5. 碎牛肉 約30g
6. 碎豬肉 約30g
7. 糖 少許
8. 茄膏 少許 (可省略)

做法:
1) 薯仔去皮蒸熟，壓成薯蓉。
2) 預熱小鍋，下少許油，下洋蔥炒至半透明，下蒜蓉炒香，下肉碎炒至轉色，加入蕃茄，炒到蕃茄汁液開始滾，下少許糖及茄膏炒勻，加上蓋慢火煮至成糊狀，轉中火收汁至想要的稠度。
3) 將肉醬淋左薯蓉面，完成。

[台灣之旅] 酒店篇

帶小朋友去旅行，事前要做足功課。
就好似我哋剛剛嘅台灣之旅，搵酒店方面，媽媽都找上了好幾間，某兩間係好多爸媽們推介，不過價錢頗貴; 有些價錢划算，環境亦不錯，奈何是大廈的其中一層，街外人可隨時上落，感覺唔安全！
媽媽唯有再找找看，最後在面書旅遊群組內，見有谷友推介 「路徒行旅 Roaders Hotel」，地點正正是媽媽所想揀的西門町; 是一幢式酒店，升降機需拍房咭才可到房間樓層; 仲有好多娛樂玩意及設有兒童遊戲室 (西門町酒店少有)，三人房價錢都合理，有房當然book啦！

我哋到達台灣就坐機場捷運去到台北車站，7號出口步行十分鐘左右就到達「路徒行旅」。
唔難搵！我哋兩大一小，拉住兩個大喼加一架bb車，亦唔難行，一條大直路到！

飯店裝橫採用工業風，非常有格調。

B1層是酒店大堂，吧檯式嘅櫃檯，挺有風格！

大堂唔只係check-in嘅地方，仲係一個24小時玩樂嘅地方，有好多玩意免費任玩，有24小時大螢幕播放電影、氣墊球、籃球機、飛鏢、街霸遊戲機、即影即有！

還有飲品、杯麵、爆谷、雪條、零食，24小時免費供應！唔怕會悶同餓親呀！

早上仲有多款三文治及冬甩供應，手快有手慢無架喇！

房間方面，雖然唔算好大，但新淨、整潔、舒適。
(飯店是有BB床及兒童廁板提供的！)

媽媽去旅行喜歡浸浴，可以的話都一定揀有浴缸嘅！

房內就有個超正嘅橢圓形浴缸 (酒店少有)，落地大玻璃，陽光照耀下，仿如係戶外浸浴，相當寫意舒適！

健身房
有毛巾及樽裝水提供。

除左大人玩意，酒店仲設有Kids Room。
呢個亦係媽媽揀「路徒行旅」其中一個原因！西門町酒店好少有架！！
雖然Kids Room唔大，但積木、玩具、小廚房、軟墊等都一應俱全。

總結: 「路徒行旅」CP值相當高，媽媽同表姨都相當滿意，亦非常喜歡，希望下次有機會再入住！

路徒行旅 Roaders Hotel
地址: 100台灣台北市中正區延平南路68號
電話: +886-2-2312-0589
網址: http://www.roadershotel.com
(位置靠近西門町，步行約5分鐘便到達捷運西門站，步行10分鐘左右可到達台北車站)

[幼兒食譜] 奶香南瓜濃湯配恐龍Pasta

Day 1194 (3yr3m)
<奶香南瓜濃湯配恐龍Pasta>

~世事多變 豈可盡如人意~
還以為可休息幾天
唔洗滾水淥腳煮午餐
但....世事豈可盡你意 😂 (年"青"人，你實在太年"青"了😏)

💨快啲煮吧😆😆

雖是今天沒有動物/公仔造形飯糰
但有"Roar"趣緻有機恐龍意粉🌟
未食先吸引👶你視覺
30分鐘就食得

材料:
1. 南瓜 150g
2. 奶 100g
3. Bruno Choice有機恐龍意粉 寶寶一餐份量

做法:
1) 南瓜去籽洗淨，切粒，水滾蒸15分鐘。然後放入攪拌機內，倒入奶，攪拌勻。
再倒入煲內，細火煮滾至稠身，盛起。
2) 小煲加適量水煲滾，加入恐龍意粉煮9-10分鐘，熄火，將意粉加入南瓜湯內，完成。

[媽媽廚樂 × 湯水] 爵士湯 (蜜瓜嚮螺雞湯)

媽媽學煲西苑名湯-#爵士湯 🍵
煲左3個幾鐘
啖湯好甜、超甜、非常甜 (#重要嘅事要講3次)
#真係甜到一個點👍🏻
好香濃😋好好味

用上🍈蜜瓜、螺頭、瑤柱、雞、花膠等材料......
滋陰養顏😍補肝腎
適合秋冬的滋潤養生湯❤

材料:
1. 雞殼 1個
2. 新鲜螺頭 1個
3. 蜜瓜 半個
4. 花膠 4條
5. 豬骨 20元
6. 沙參 20g (媽媽無落，因為屋企用哂都唔知😂)
7. 玉竹 20g
8. 瑤柱 3粒
9. 生曬淮山 8塊
10. 無花果 3粒
11. 果皮 1瓣
12. 薑 4-5片 (發花膠用)
13. 蔥 1棵 (切段) (發花膠用)
14. 水 3L

做法:
1) 將花膠浸發，備用。
2) 雞殼洗淨汆水10分鐘; 豬骨洗淨汆水。
3) 螺頭清洗乾淨，切片。
4) 果皮用清水浸軟，刮囊。
5) 淮山、沙參、玉竹浸洗淨。
6) 瑤柱浸軟。
7) 無花果洗淨，剪開半。
8) 蜜瓜去囊去籽去皮，切件。
(媽媽將約一半嘅蜜瓜攪拌成蜜瓜汁)
9) 鍋內注入水，下果皮，大火滾起，除花膠及蜜瓜外，其余材料放入煲內，滾起，轉小火煲3小時。在最後半小時，下花膠、蜜瓜及蜜瓜汁。
10) 最後可下少許鹽調味，以及撇走湯面的油，便可享用。

notes:
1) 材料有藥材成份，要了解自己個人體質是否適合飲用。
2) 傷風感冒者勿飲。

[幼兒食譜] 粟米汁三文魚飯

Day 1193 (3yr3m)
<粟米汁三文魚飯🐰>

小b自小就好鐘意食粟米，
就咁白烚嘅、炒嘅，用嚟煲湯嘅都喜歡！
媽媽去買餸見啲粟米咁靚，午餐就做個粟米汁來拌飯啦！一定好甜，好好食！小b實食清光！
其實自己整粟米汁並唔難，
用一條嘅粟米粒蒸熟加120ml水攪拌，隔渣，再煲滾，就可以😀
粟米汁將整條粟米濃縮了，無需落調味，都好香甜，小baby都啱食！

材料:
1. 粟米 3/4枝
2. 水 約120ml
3. 三文魚柳 適量
4. 迷你甘荀仔 4條
5. 米 約半杯

做法:
1. 粟米洗淨，將粟米粒切下，與迷你甘荀仔一併放入飯煲蒸熟。
2. 米洗淨，加入同等份量的水，米面放上三文魚柳，再放蒸架，將粟米粒與迷你甘荀仔一併放入飯煲，按製煲飯。飯煲煮好飯跳製，不要打開蓋，待10分鐘後才打開，然後取出三文魚，用叉壓碎。甘荀條切粒。
3. 將蒸熟的粟米粒及120ml水放入攪拌機打爛成泥狀，然後過篩，隔走一半粟米渣。然後倒入鍋煮滾至微稠，倒在飯面上，再放上三文魚碎及甘荀粒，完成。

[幼兒食譜]三文魚 熊貓飯糰

Day 1190 (3yr3m)
< 🍱#三文魚熊貓飯糰🐼🍙🌽>

開左學一個星期，
小b無扭無喊，自己上校車
每日放學都會第一時間同👩🏼講佢今日食左咩茶點
佢仲好好記性，好快記得同學仔嘅名字👬

見佢每日番嚟都好開心😍
睇嚟佢都喜歡這間新學校啊😊


材料:
1. 三文魚柳 適量 (去皮)
2. 米 約半杯
3. 壽司醋 少少 (可省略)
4. bb紫菜 1片 (做熊貓的眼耳口鼻)
5. 粟米 2件
6. 甘荀仔 數條

做法:
1) 米洗淨，加入同等份量的水，米面放上三文魚柳，放入飯煲按製煲飯。飯煲煮好飯跳製，不要打開蓋，待10分鐘後才打開，然後取出三文魚，用叉壓碎; 白飯待涼; 期間將粟米、甘荀烚熟，備用。
(媽媽懶，將粟米同甘荀都放埋入飯煲，一煲熟😂)
2) 待飯微暖，加入壽司醋，拌勻，再加入三文魚拌勻，雙手沾濕或用保鮮紙將飯握成飯糰，亦可用飯糰模整成飯糰，然後加上用bb紫菜做的熊貓眼耳口鼻，完成。

Note:
1. 配菜可改為寶寶喜歡的蔬菜，例如車厘茄、西蘭花等等。
2. 飯糰模係12蚊店買到。

[親子共食] 偽KFC 蘑菇飯

Day 1188 (3yr3m)
<偽KFC 蘑菇飯> #親子共食

好味道！自然要encore啦！
前天做了蘑菇汁薯蓉
小b食到 lam lam 脷

今日上學出門前
落order要encore 蘑菇汁
仲話要配飯
(媽媽) 係~奴婢遵命

材料：
1. 蘑菇 5-6粒 (切片)
2. 洋蔥 半個 (切粒)
3. 雞湯 180ml
(自家製或買現成的，市面上有有機低鈉雞湯)
4. 水 70ml
5. 麵粉 1大湯匙
6. 無鹽牛油 適量
7. 黑胡椒碎 少許
8. 白飯 適量

做法:
1. 預熱煎Pan，下少許油，加入洋蔥炒香，再落蘑菇中火煎至兩面金黃，再加入黑胡椒碎略炒，盛起備用。
2. 落少許牛油，加入麵粉拌勻，再加入雞湯及水拌勻，大火煮滾，加蘑菇回鍋，轉細火慢慢煮至適合的濃稠度便可。

notes:-
1) 如汁太稀，可加點麵粉拌勻。
2) 如汁太杰，可加適量水或雞湯，做出想要的濃度。
3) 自家製雞湯 - 媽媽用上洋蔥兩個、甘荀一個及雞殼一隻去淆製。雞殼先汆水，洗淨; 洋蔥及甘荀切件; 鍋內注入約2.5L水，放入所有材料，大火滾起後，轉小火煲3小時。完成後隔走油及渣，完成。
5) 雞湯待涼後，可倒入冰粒格內 , 製成冰粒，放入冰箱可保存2個月。

[媽媽廚樂] 砂鍋雲吞雞

出街食就食得多
自己整就真係第一次

#簡易版唔難整

材料:
1. 鮮雞 半隻
2. 金華火腿 4片
3. 無糖豆漿 約500ml
4. 雲吞 1打 (自己包或買現成)
5. 薑 5片 + 3片
6. 娃娃菜 1包
7. 蔥 1棵 (切段)

做法:
1) 鮮雞及金華火腿用薑、蔥汆水，瀝水洗淨備用。
2) 娃娃菜洗淨，一開四。
3) 鍋內注入適量水，加入薑3片、鮮雞同金華火腿，水剛好覆蓋雞便可，水滾後轉小火煲45分鐘。之後，撇走湯面的雞油，倒入無糖豆漿，滾後，轉小火煲15分鐘。(倒入無糖豆漿，容易滾瀉，故需打開小小蓋)
4) 最後加入雲吞及娃娃菜煲多10分鐘，加少許鹽調味，完成。